«Отан тарихы: ХХ ғасырдың соңғы соғысы» жылжымалы көрме.

    15 ақпан - Кеңес әскерлерінің Ауғанстан жерінен шығарылған күні. Осы орайда Ауған соғысына қатысқан ардагерлер мен  соғыста қаза тапқан боздақтардың ерлігін жас ұрпаққа насихаттау мақсатында 12 ақпан күні Жезді мектеп - интернатының музейінде «Отан тарихы: ХХ ғасырдың соңғы соғысы» тақырыбында жылжымалы көрме ұйымдастырылды. Көрмеге Ауған соғысына қатысқан интернационалист-жауынгерлердің музей қорында жинақталған   жәдігерлері мен отбасылық мұрағаттарынан құжаттары мен фотосуреттері, медалдары қойылды. Көрменің алғашқы таныстырылымын  музей маманы М.Уатаев жүргізді. Жылжымалы көрме үстіміздегі жылдың 20 ақпанына дейін жұмыс істейді.